October 25, 2021

మన ఊరు ఫిరంగిపురం

మన ఊరు… మన వార్తలు…

వాలంటీర్లకు జగన్ సర్కారు తీపి కబురు.. అందుకోసం రూ.260 కోట్లు విడుదల

ఏపీలో గ్రామ, వార్డు వాలంటీర్లను ఉగాది రోజున సత్కరించాలని నిర్ణయించి వైసీపీ ప్రభుత్వం.. పలు కేటగిరీలు వారికి అవార్డులను, నగదును అందజేయనుంది.

  • ఉగాది రోజున వాలంటీర్లకు సత్కారం.
  • మూడు కేటగిరీల్లో అవార్డులు ప్రదానం.
  • భారీగా నిధులు విడుదల చేసిన ప్రభుత్వం.

ఉత్తమ పనితీరు కనబరిస్తున్న వాలంటీర్లను ఉగాది రోజున సత్కరించాలని ముఖ్యమంత్రి వైఎస్ జగన్మోహన్ రెడ్డి నిర్ణయించిన విషయం తెలిసిందే. తాజాగా, ఈ సత్కార కార్యక్రమానికి సంబంధించి నిధులను ఏపీ ప్రభుత్వం విడుదల చేసింది. వాలంటీర్లను సత్కరించడం సహా ఇతర అవసరాలకు గానూ రూ.261 కోట్ల విడుదలచేస్తూ ఆర్ధికశాఖ ప్రత్యేక కార్యదర్శి సత్యనారాయణ ఉత్తర్వులు జారీచేశారు. వాలంటీర్లకు ప్రోత్సాహకాలను ఇచ్చేందుకు.. ఈ మొత్తాన్ని విడుదల చేస్తున్నట్టు ఆర్ధిక శాఖ ఉత్తర్వుల్లో పేర్కొంది.